Табиғат жаратылысы өзіне тән жыл он екі ай төрт мезгілмен ұштасады. Әр мезгіл өз сұлулығымен таңдай қақтырарлықтай.
Соның бірі біздің мектеп оқушылары үшін орыны бөлек, жанына жақын – күз мезгілі. Иә, көне шаһар төріне басқа маусымдарға ұқсамайтын келбетімен күз де келіп жетті. Сары жапырақ қоңыр салқын ауа-райы, жабырқаулы көңіл-күй, қара суық жер күзге тән қасиет.
Мектепке асыққан бала, қоймасын астыққа толтырған диқаншы, қыс азығын жинаған шаруа, еңбекпен біте қайнасқан тірлік күз мезгіліндегі қызықты жайттар. Сондықтан күз – молшылықтың, байлықтың, берекенің мезгілі болып саналады.
Дәстүрге айналған мектепішілік бастауыш сыныптар арасында өткен "Сыбдыры сұлу, Алтын күз" атты сайыс. Жүлделі орынға ие болған 3-сынып оқушылары Қызанақ тобы Бас жүлде, 1-сынып оқушылары Алма тобы Көрермендер көзайымы, 2-сынып Асқабақ тобы Өнерлі оқушылар, 4-сынып Алмұрт тобы Дарынды оқушылар номинациясымен марапатталды.
